Vil knyta Austevoll mot Reksteren

Det er Frp- og stortingspolitikar Arne Sortevik som vil be om svar frå samferdsleministeren om denne påkoblinga ikkje bør vera med i planane for Kyststamvegen.

Ifølgje Austevollportalen trur Sortevik at teknologien som skal til for å konstruera flytebru på nesten fem kilometer over Bjørnefjorden allereie eksisterer og er i bruk i offshorenæringa. Han meiner at ved å binda Austevoll på det midtre alternativet vil gje enno betre regional effekt.

Ordførar i Austevoll, Helge André Njåstad, seier at målet deira er å samla kommunane i Sunnhordland for det midtre alternativet og at Austevoll skal få kopla seg på.