TysnesFest Rockseminar 2010

”Do you wanna ROCK??”
Tysnesfest inviterar hermed alle musikkinteresserte ungdomar til pop&rock-seminar 07.-09. Juli, med konsertframføring på stor utescene som avslutning. Kompetente instruktørar vil stå for kvalifisert og inspirerande rettleiing i samspel og instrumentundervisning, og det vil verta mange gode ”tips og triks” å henta for dei som melder seg på! Etter tre dagar (omkring 20 timar) med kontinuerlege bandøvingar og gruppetimar, vil dei samansette rockebanda halda festkonsert på Utescena i Våge til glede for alle interesserte. Klikk her for tidspunkt (festivalprogram).

Har du lyst til å SPELA/SYNGA i BAND?
Har du EIGE INSTRUMENT?
¬¬Do you wanna ROCK??
Då er Tysnesfest Rockseminar PERFEKT FOR DEG!!

Instruktørar
Dei fem instruktørane Jan Petter Myklestad, Kjetil Dalland, Øystein Kvinge, Roger Sjøvold Dalland
og Stine Larsen, held solid nivå på sine respektive instrument. Dei har alle høgare musikkutdanning, og representerar både ekspertise og erfaring innan samspel, arrangering, framføring, formidling, samt
praktisk nytte av musikkteori. Spisskompetansen deira er SONG, GITAR, TANGENTAR, BASS og
TROMMER, men alle er velkomne til å melda seg på, uansett instrument! Presentasjon av instruktørane finn du nedafor/[el. lenkje].

Påmelding:
Seminaret har fri aldersgrense, men festivalen ynskjer at ungdom i alderen 12-18 år får eit fortrinn i påmeldinga. Skjema for påmelding finn du her.

NB: Seminarleiinga tar atterhald om eventuelle praktiske utfordringar knytt til påmeldinga (instrumentgrupper, bandsamansetjing, plasskapasitet. etc.), men vil strekka seg lengst muleg i å legga høva til rette for alle påmelde.

INSTRUKTØRAR, TYSNESFEST 2010:

Jan Petter Myklestad – trommesett
Tysnesing, busett i Bergen. Jan Petter har roots, rock og R&B som sitt spesialfelt, og har merka seg ut i kritikarroste Bergensband som ”Piece Of Cake” og ”YahooBand”, samt publikumsfavoritten ”One Way Out”. Eig lang erfaring som trommeslagar, munnspeltraktør, vokalist og produsent, og har turnert i både Europa og Nord-Amerika med nemnde band.

Kjetil Dalland – el.bass
Tysnesing, busett i Tromsø. Utdanna ved Musikkonservatoriet i Kristiansand (94-99) og har sidan arbeidd som leigemusikar og faglærar i el-bass. Kjetil har ei rekkje plateinnspelingar bak seg, samt turnear i Skandinavia og Europa med artistar som Bertine Zetlitz, Kurt Nilsen, Torun Eriksen, Vidar Johnsen & Peter Nordberg og Mari Boine. Debuterar hausten 2010 som albumartist, med trioen “Wulff”. Meir om Kjetil finn du på: www.myspace.com/kjetildalland
Stine Larsen – song
Tysnesing, busett i Oslo. Har frå musikkutdanning frå Nordisk Institutt for Scene og Studio (NISS), og studerar no musikkvitskap ved Universitetet i Oslo. Samstundes arbeidar ho med soloprosjektet sitt, der eigne komposisjonar i pop/soul/vise-sjangeren vert kombinert med sjølvskrivne, norskspråklege tekstar. I tillegg til å vera ein svært spennande artist, har Stine òg vore korist med supergruppa “BigBang”, og i husorkesteret til underhaldningsprogrammet “Skal vi danse?” (TV2). Meir om Stine finn du på: www.myspace.com/stinealarsen

Øystein Kvinge – tangentar/elektronikk
Stordabu busett i Bergen. Øystein er utdanna musikklærar ved Høgskulen i Bergen, men arbeider i dag som produsent hjå Carte Blanche. I Bergen har han jamleg oppdrag som kapellmeister og arrangør i event-bransjen. Som pianist har han spelt eit variert repertoar med ulike storband, salsaorkester, jazzkvartettar og rockeband, og gjort framføringar med artistar som Benedicte Adrian, Elisabeth Andreassen, Heine Totland, Tor Endresen mfl.
Øystein sin musikkblogg finn du på:  http://computermusic.edublogs.org/

Roger Sjøvold Dalland – gitar
Tysnesing, busett på Stord. Roger har Bachelorutdanning i musikk frå Høgskulen i Volda og ved HSH Stord. Gitar er hovudinstrumentet, men han har óg studert song ved Sydney Conservatorium of Music. Jobbar for tida som musikklærar ved Stord Ungdomsskule og i Kulturskulen på Tysnes. Forutan å ha sunge rollen Jesus, i ”Jesus Christ Superstar”, sett opp på Sunnmøre i 1999, har han òg spela gitar for artistar som Heine Totland, Atle Hansen, Jahn Teigen, Rein Alexander, Ragnar Hovland og Per Olav Kaldestad. Jobbar for tida i studio med eige plateprosjekt som vert lansert til hausten.