Smalen skal heim

Me har lagt sommarhalvåret bak oss og det haustast ute. Då er det også på tide at smalen skal heim frå fjellet.

I dag var det sankedag. Det er nok alltid litt spaning for sauebøndene når dei går til fjells for å sjå etter dyra sine – at alle dei sende frå seg i vår kjem heim att.

Litt svinn vil det vel alltid vera, men vonaleg har dei fleste fått flesteparten i saueflokken sin heimatt til gards også i år.