Satsar på sau

Eit stort nytt sauehus er under oppføring hos Jorunn og Per Ingolf Økland i Lunde. Under monteringa har dei hatt ein diger mobilkran til hjelp i to dagar.

– Det er nok ikkje kvar dag ein så stor mobilkran er i ‘Londabygdo’, seier Per Ingolf til Tysnesingen. Planen er å ha tett hus til jul.

Han fortel vidare at sauehuset på 27 x 12,5 meter vil kunna husa 160 vinterfora sauer. Om sommaren skal sauene til fjells.

Ekteparet Økland har i dag mjølkeproduksjon på garden sin, og dette vil dei halda fram med i tillegg til sauene.