Publisert av:
24/11/2014 12:19
Kan forventa meir asfalt i 2015
– 60 mill. kr meir enn i år, går fylkesutvalet inn for.
Fleirtalskoalisjonen H/FrP/V aukar løyvinga til vedlikehald/dekkelegging på fylkesvegnettet med 60 mill kr i fylkesbudsjettet for 2015. Dette kjem i tillegg til 40 mill kr til som allereie ligg i fylkesrådmannens budsjettframlegg .
Dette betyr at ein i 2015 vil kunna reasfaltere 170 km av fylkesvegane i Hordaland, mot 82 km i 2014. Samla vil nær 6% av fylkesvegane dermed verta reasfaltert i 2015.
– No skal det lukte nylagt asfalt i alle kommunar i fylket det kommande året. Dette er eit viktig bidrag til å betre vegstandarden i på fylkesvegane i heile Hordaland. Dette kjem både innbyggjarar og næringslivet til gode, oppsummerar fylkesordførar Tom Chr. Nilsen (H), fylkesvaraordførar Mona H. Hellesnes (V) og gruppeleiar Terje Søviknes (FrP) i ei pressemelding.