Ivo vann Tysnesmeisterskapen i bowling

Ivo Haranovics var heilt suveren og vann med 791 pinnefall på fire seriar. Han hadde eit snitt på i underkant av 198, og den høgaste serien var på heile 236 pinnefall.

23 spelarar stilte til start på åtte banar med tre spelarar på banen. Det er den høgaste deltakinga me har hatt i meisterskapen.
Tre damer stilte til start. Dersom fleire damer stiller til start, må me frå neste år ha eigen dameklasse.

Grunnen til at me reiste til Stord denne gongen, var delvis at me ville prøva noko nytt, og delvis at me har slite litt med ein bane i Tysneshallen. På Stord kunne alle spela samstundes, noko som ikkje let seg gjera med tre banar i hallen.

Ivo Haranovics              791
Jens Flornes                  701
Dainis Kalvans               689
Oddvin Flornes              657
Glenn Femsteinevik       654

Tekst og foto: Helge Hauge