Har du mange fuglar i hagen din?

Vil du vere med på fugletelling?

Denne helga går Hagefugltellingen 2020 av stabelen, og dersom du ikkje veit kva du skal finne på, så kan kanskje dette vere ein aktivitet i helga. Hagefugltellingen er eit samarbeid mellom Norsk Ornitologisk Forening og miljolare.no

Heile Norden er med på Hagefugltelling, og Norge var med for fyrste gong i januar 2008. Danmark, Finland og Sverige har gjennomført dette i fleire år enn Norge, men det har vore ei stor auke i talet på norske deltakarar.

Ei av målsettingane med hagefugltellinga, er å setta søkelyset på korleis klimaendringar endrar artssamansetninga for overvintrande fuglar i Norge og Norden. Ved å samla inn denne typen informasjon frå mange deltakarar, kan ein få ei betre forståing av variasjonar i førekomsten av småfuglar i det vinterlege Norden.

Korleis skal ein gå fram?

Du skal notere ned kva for fuglar, og det høgaste talet av kvar fugleart du ser samtidig, i hagen din. Deretter skal ein registrere funna på fuglevennen.no sine sider. Nøyaktig korleis dette skal gjerast, kan du lesa ved å klikke her.