Fanga småaure med hendene

7. klasse var torsdag, 15. oktober, på tur til Tverrelva ved Gjerstadstølen for å prøve å fange små aure med hendene. Det er ein aktivitet som mellomtrinnet med jamne mellomrom har gjennomført om hausten. Det er ikkje kvart år ein kan få det til, for forholda må vera rette når auren kjem opp i elva.

Denne veka var det passeleg med vatn slik at ein kunne få demme opp. Med mindre vatn nedover vart det lettare å få auge på auren.
Det var ikkje så mange fisk som vart tatt denne gongen, men dei fleste fekk sjå den.

Ein kjekk dag i eit strålande haustvêr! Me er heldige som har denne flotte naturen på Tysnes, og denne dagen var det ein super læringsarena for elevane.

Tekst og foto: Kari Lande, Tysnes skule