Snart klart for skianlegg

Det nye skianlegget med lysløyper ved Løkjen-området innafor Solheimsdalen nærmar seg klart.

Når snøen kjem til vinteren, vil eit flott nytt anlegg altså stå klart for alle skiinteresserte i kommunen.

Det er laga to sløyfer, ei for vaksne og ei for born. Det blir stadionområde med start, mål og smørjebu. Frå parkeringsplassen i Solheimsdalen er det lagt lys fram til skianlegget.

Det er Tysnes kommune som står som eigar, medan Onarheim Idrettslag skal drifta anlegget. Fleire bedrifter har gått inn med sponsormidlar for at skianlegget skal kunne realiserast.