– Tippar 7 mrd i Bjørnefjorden

Forrige veke tilrådde Fusa kommunestyre å gå vidare med den indre vegtraséen som ferjefri kyststamveg mellom Aksdal og Bergen.

Arbeidarpartimann Atle Kvåle blir i Os og Fusaposten sitert på: – Vi kan ikkje berre tippa sju milliardar ut i Bjørnefjorden.

Han synte til at den økonomiske skilnaden mellom Bjørnefjordsalternativet og indre trasé er stort. Kvåle meinte at 7 millardar er om lag same summen som Hordaland fylke ligg på etterskot i på vegutbetringssektoren, skriv Os og Fusaposten.

Den indre traséen på austsida av Tysnes og via Fusa er kostnadsrekna til om lag 12 mrd, medan det midtre alternativet over Reksteren med bru over Bjørnefjorden er kostnadsrekna til om lag 19 mrd.