Publisert av:
7/5/2011 07:19
Om å følgje “Draumen”
Steinar Onarheim frå Tysnes og Anna Trøite Sandven møttes under ein segltur i 2008. I eit halvt år no har dei planlagt ein Canadatur, kor dei i eitt år skal bu i ei lita hytte langt vest i Canada på grensa til Alaska, skriv gamme.no.
Hytta dei skal bu i ligg 700 meter over havet og dei ventar seg minus 40 grader i løpet av vinteren. Næraste sivilasjon ligg nokre mil vekke i Yukon.
Steinar er utdanna geograf og ivrar for friluftslivet. Anna er utdanna biolog og mellom anna fleire opphald på Svalbard.
– Begge har lenge hatt lyst til å gjera noko liknande. Anna har drøymd om å hatt eit fangstår på Svalbard – men har ikkje heilt fangstkunnskapane til det. Me hadde lyst å ta eit friår og gjere noko heilt anna,” fortel Onarheim til gamme.no. – Me kom til slutt fram til at ei overvintring i Canada ville gi oss fantastiske naturopplevingar, og samstundes er gjennomførbart økonomisk, teknisk, logistisk og sikkerhetsmessig.