Butikkskifte

I strålande solskin over Årbakka fekk kundane kaker, is, kaffi og saft på dagen der Joker-butikken går frå Fa. G.Onarheim til Årbakka Bygdabutikk AS.

Jorunn Onarheim har i over 50 år jobba på butikken og det var ikkje heilt gått opp for ho enno at ho ikkje lenger skulle sitja bak kassen i butikken på Go’bakkjen. Men i dag var det slutt og ho fekk overrekt blomar frå den nye eigaren Årbakka Bygdabutikk AS.

Den nye butikken er eigd av brukarane av butikken, nemleg bygdafolk og hyttefolk som er aksjeeigarar. Kjersti Marita M. Skaten er tilsett som ny dagleg leiar og får med seg Anne Britt Onarheim og Renee Bondevik som frå før av har jobba i butikken.

Årbakka Bygdabutikk AS har opningstid måndag – torsdag 09 – 17, fredag 09 – 18 og laurdag 09 – 15.