Tysnes får tilskot til ruskonsulent

Helse- og sosialsjef i Tysnes kommune, Einar Aslaksen, opplyser at Fylkesmannen i Hordaland har ved tilsagn av 19.11.10 gjeve tilskot med kr. 427.129 til 1 årsverk som ruskonsulent (prosjekt/engasjementstilling over 1 år).

Fylkesmannen er gitt fullmakt frå Helsedirektoratet til å gje statstilskotet til å byggje opp kapasitet innan kommunalt rusarbeid, slik at målgruppa få eit meir heilskapeleg, tilgjengeleg og meir inviduelt tilpassa tenestetilbod.

– Prosjekt/engasjementstillinga vert lyst ut med det første og den som vert tilsett vil få arbeidsstad ved NAV-Tysnes (Nav-sosial), opplyser Aslaksen.