Lovar stemning på Tysnesfest

Staysman

-Det blir rølp, det blir fest, og det blir 100% stemningsgaranti når Staysman kjem tilbake til Tysnesfest!  Denne gongen har han med seg Katastrofe som gjest. Staysman har vore på Tysnesfest fleire gonger før, og faste Tysnesfestgjengarar kan kvittere på at dette garantert blir sjuuukt!  Ta med deg ditt beste humør og bli med på rølpefest på Gjerstad 10. juli!

Ramón

Fantastiske Ramón kjem til Tysnesfest!

Ramón er ei av dei største stjernene på den norske musikkhimmelen, og med si sjelfulle stemme og liveshow i verdensklasse har han i løpet av dei siste åra blitt ein av dei mest ettertrakta liveartistane me har her til lands. Han byr på nære og sårbare tekstar om kjærleik, livet og sjølvrefleksjon og kombinerer det med ein unik sjangermiks av pop, R&B og latinamerikanske rytmar som garantert får deg til å danse. Gjer deg klar for ei uforgløymeleg konsertoppleving når Ramón kjem til Tysnes!