Galleri opning

– Det var mange som kom til opninga, og særleg kjekt at det kom så mange tilreisande, seier Elisabeth Godøy til Tysnesingen.

Ho og dei andre medhjelparane i Galleri Elisabeth G fekk ein god start. – Me selde faktisk ein del allereie fyrste dagen og det virka som om folk likte seg, fortel ho.

Det er mest skulpturar som er utstilt denne sommaren i galleriet ved Våge kai. Dei er laga av Nico Widerberg. Skulpturane han har laga er mellom anna å sjå på Gardermoen lufthavn og Aker Brygge. Monument av Trygve Lie og Thor Heyerdahl har også Widerberg laga.

Opningstidene til Galleri Elisabeth G for sommaren 2010 blir slik:
– klokka 1100 – 1700 tysdag til fredag
– klokka 1200 – 1700 søndagar
– måndagar stengd