Bunnpris i Lunde?

Det er lundegrend.no som skriv at representantar for Bunnpris-kjeda har komt fram til semje om ein avtale som inneber at Bunnpris tek over etter ICA Nær i løpet av kort tid.

Knut Nesland, som eig senteret, har “ingen kommentar” til lundegrend.no, men nettsida skal ha pålitelege kjelder om at avtalen er i boks. Kjeldene deira seier at dagens butikk truleg vert stengd 2-3 veker i den tida Bunnpris-kjeda skal innreia butikklokala. Kortid dette skjer, er ikkje sagt.