Biokol forbetrar jorda

Garden på Dalland driv økologisk, og har Debio godkjenning. Alle dyra er grasfora, dei får ikkje kraftfor. Dermed vert drifta rettferdig, naturleg og berekraftig.

På garden er dei opptekne av å ta vare på og utnytta jorda på best mogleg måte. Sist veke brende dei biokol for aller fyrste gong. Biokolet vart så knust og tilsett i fermentert gylle, som så skal nyttast som jordforbetringsmiddel på bakkane. I denne prosessen etterliknar ein jordprosessane, og får tilført karbon som er ein naturleg byggestein i jordlivet.

-For oss er det viktig å sørge for at det er mest mogleg liv i jorda, seier Anders Dalland. At jorda både kan gje best mogleg vekst ,og ikkje minst: best mogleg næring!

Etter kvart som både Anders og Irene på Dalland gard har fått meir erfaring og  kunnskap, ser dei kor viktig det er å ivareta jorda på ein god måte.  Dette har positiv effekt i heile næringskjeda, heilt fram til menneske som et maten. Mat med god og riktig nærings-samansetning er bra for kroppen, og kan være med å førebygge livsstils-sjukdommar.