Ny toppsjef

I ei børsmelding denne veka heiter det at styret i Lerøy Seafood Group ASA har utnemnt Helge Singelstad som ny konsernleiar i Lerøy Seafood Group etter Ole-Eirik Lerøy.

Den utflytta tysnesingen var frå 1993 til 2007 fyrst finansdirektør og deretter vise-konsernleiar i Lerøy Seafood Group. Han fekk med seg ein fallskjerm på 32,5 millioner kroner, skriv tv2.no.

Sidan har Lerøy Seafood Group ASA blitt kjøpt opp av Austevoll Seafood, og dette selskapet er det som set inn att Singelstad – no som toppsjef.