Vikingbesøk på Årbakka

Publisert av: May Britt Meland
11/6/2025 11:04

I eit strålande solskinn laurdag 7. juni kunne vert ved Årbakka Handelsstad, Lise Kvinnsland, ynskje velkommen til sommarsesongen 2025. Kunstutstillinga i sjøbuo byr på eit mangfald av kunstnarar, nokre kjende og nokre nye. I sjøbuo og i krambua kan ein finne både grafikk, måleri, strikk, tau-kunst, keramikk, kort, smykker og mykje meir.

Gunnar Bakke heldt opningstale, og fortalde blandt anna om når vikingane var på handelsstaden sist.

Etterpå fekk publikum sjå ei flott oppvisning av historiske vikingkampar. Kampsportgruppa Hinnheim kjempa i vikingdrakter på bakken, tett opp til publikum.

I forbindelse med sesongopninga, var det rigg til marknadsplass med salgsbord, her kunne ein finne eit stort utval av ulike kunsthandtverk.