– Veldig, veldig flinke

Det er så godt som fullt hus i Vonheim i kveld under Elton John-konserten. Om lag 150 personar har møtt til arrangementet og stemningen rapporterast å vera på topp.

Det er Eirik Dalland som er Elton John og syng. Med seg på låtane har han Marianne Tvedt og Jenny Kjellevold. Vidare er Tore Hodneland og Roger Sjøvold på gitar, Endre Hodneland på piano og Øystein Dalland på slagverk.

Men dette er ei storband framføring der Tysnes musikklag også er med.

– Dei er veldig, veldig flinke – og det er kanonstemning, fortel Arild Pettersen som sit i salen og høyrer på.