Tysnes sparebank

Tysnes Sparebank reduserer renta på utlån og innskot

Etter at Noregs Bank sette ned styringsrenta med 0,25% har Tysnes Sparebank bestemt å redusere renta på innskot og utlån.

Lån til unge i etableringsfasen vil få ei rente på 2,35% medan banksparing for ungdom (BSU) får ei innskotsrente på 3,5%. For kundar som ynskjer fast rente på bustadlån vil 3 års fast rente vera på 2,1%.

Framleis Noregs billegaste bustadlån

Dersom kunden oppfyller kriteriene for Tysnespakken vil lågaste rente verta 1,35% p.a. Tysnespakken som er samansett av fleire gode tilbod er for kundar som flyttar til kommunen.

Renteendringane trer i kraft fornye lån og innskot straks. For eksisterande kundar vil endringane tre i kraft etter den lovpålagte varslingsfristen på 2 månader.

Tysnes Sparebank er den einaste lokalstyrte banken i regionen Sunnhordland, Hardanger og Os/Fusa. Responsen banken har fått på sitt personlege service-konsept har vore svært god. No har banken 3 kontor i regionen. I tillegg er nytt kontor planlagt opna på Stord på ettersommaren, og fleire nye kontor er under vurdering.

Tysnes, 18. mars 2016
Tysnes Sparebank

Dag Sandstå
Banksjef