Trekning årets turorientering

I år slår me saman trekning av gåvekort for turorienteringa me hadde på Tysnesfjella og Reksteren og turorienteringa i Onarheimsmarkjo, fortel Jon I. Skjolde i Onarheim Idrettslag.

-Me trekte 2 gåvekort, eit på 1000 kr og eit på 500 kr.

Vinnar av gåvekort 1000 kr for innsjekk på alle postane er Frank Hustad, og vinnar av gåvekort 500 kr trekt blant alle deltakarane er Kari Lande.

Gratulera til vinnarane!

Me takkar alle som deltok på årets turorientering!

Litt om turorieneringa på Tysnes:
Turorientering har vore arrangert i mange år, som eit samarbeid mellom idrettslaga i kommunen.
Det er brukt kart over området rundt Gjøvågsvarden og kartet over Tysnesfjella.
I 2020 laga Onarheim IL til ei eiga turorientering i forskjellige områder omkring Onarheim.
Det blei eit bidrag til aktiviteter etter at det blei mange korona- begrensningar.

Det pleier være mellom 15 og 30 deltakarar kvart år.

No i haust held Onarheim IL også på med eit nytt orienteringskart over området omkring skianlegget i Solheimsdalen.
Dette kartete blir ferdig i januar, og dette blir nok også med i turorienteringa for neste år.

-Me håpar også me får tid til å arrangere ein “Finn Fram” dag på det nye kartet i vår for dei som ønskjer å bli litt kjent med turorientering/orientering.