Ta tjangs’n under Tysnesfest!

Ta sjansen var som mange hugsar ein svært populær sommaraktivitet som føregjekk i Besserudtjernet, Holmenkollen, der det var om å gjera å konstruera ein fantasifull farkost/båt som skulle finna raskaste vegen frå rampa og ut til staken for å ringja i bjølla. Dette var eit kjempeshow som vart vist på fjernsyn til glede og spaning for mange.

Tysnesfest Ta tjangs’n-rampa er klar. Du, eller bedrifta di, er herved utfordra til å delta.

Finn fram kreativiteten og lag deg ein spanande farkost som kan gje deg og publikum ein kjempehending under Tysnesfest 2015. 

Ta tjangs’n kjem til å føregå ved Våge kai laurdag 11. juli.

Påmelding og reglar her.

Ta tjangs’n  reglar for deltaking: 

Skal Ta tjangs’n kunne bli gjennomførd innafor naudsynte organisatoriske og trygge rammer, er arrangør heilt avhengig av at deltakarane i Ta tjangs’n held seg innafor fylgjande reglar for deltaking: 

1. Tidtaking startar i det farkosten blir sleppt frå toppen av rampa og blir avsluttar i det deltakar ringjer i bjølla som er fastmontert på ei bøye i sjø. 

2. Farkosten: TEKNISKE KRAV 

– Farkosten skal vera satt i stand av deltakarane, eller andre som er tilknytt deltakarane. 

– Farkost mål

lengd; maks 2,30 meter

breidde; maks 1,50 meter

vekt; maks 80 kg.

NB farkosten må vera rett/flat akter for ikkje å hekta seg fast i sklia

– Farkosten skal vera utan nokon form for motor (dette gjeld også oppsamla energi på trykktankar eller anna form for oppsamla mekanisk energi) i det føremål å auka framdrifta på farkosten. Alle farkostar skal ha eit feste til karabinkrok godt synleg.

-Farkosten skal halda seg flytande. – Farkosten skal være sikker. Husk at farkosten blir utsatt for stor kraft i det den treff vatnet (Isopor er ikkje ok. Det blir millionar av isoporbitar å plukka opp frå sjø).

4. Deltakarar: 

 – Maksimum 2 personar  i kvar farkost. 

– Alle deltakarar skal nytta hjelm – Alle deltakarar skal nytta flytevest eller annan form for godkjend flyteplagg 

 5. All deltaking i Ta tjangs’n skjer på eige ansvar. Erklæring skal underskrivast 

 6. Det er ikkje lov til å reise seg før farkosten treff vatnet 

 7. Ved mistanke om alkoholinntak blir deltakar nekta å delta 

 8. Arrangør stiller med dykkarar og hjelpemannskap som til ein kvar tid er klar til å assistera deltakarane som treng livredning eller annan hjelp i vatnet. 

 9. Farkosten skal bli inspisert og bli godkjend av arrangement sikkerhetsansvarlig personell før start. 

 10. Arrangør føreheld seg retten til å nekta farkostar å starta dersom overnemnde regler ikkje er overhalden. 

 11. Påmeldingsfrist 1. juli 2015 på tysnesfest.no 

 12. Premiering: 

• Raskaste båt: – Beste tid, frå farkosten blir sleppt i rampa til fyrste deltakar når fram til bjølla. 

• Fiaskopris: –  til den farkosten som syt for den største fiaskoen.