Sesongopning på Årbakka Handelsstad

Gunnar Bakke vil i si opningstale blant anna seia nokre ord om når vikingane var her sist. Seinare vert det oppvisning av historiske vikingkampar av kampsportgruppa Hinnheim, de får sjå vikingdrakter og våpen, og i ein av utstillingane finn ein vikinginspirert kunst og smykkar.

Og sjølvsagt er det mange andre ting å sjå, og få kjøpa på marknaden, både keramikk, bøker, knivar, planter og anna!

I sjøbua og krambua blir det utstillingar med mange kunstnarar, nokre kjende og fleire nye. De vil finna både grafikk, måleri, strikk, tau-kunst, keramikk, kort, smykker og mykje meir.

Sjølvsagt kan de kjøpa dei gode Årbakka-vaflane, is, mineralvatn, kaffi og te.

Me sjåast på Årbakka Handelsstad!

Lise Kvinnsland