Opning av Kvednaholmen

I gamledagar var det i alt fire kvednhus på holmen. Restane av eine grunnmuren er godt synleg òg i dag. For å gjera holmen meir tilgjengeleg, har medlemmer av bygdalaget laga to «bruer» og rydda stig langs elvebreidda. På høgda over kvednhusa har me laga til sitjebenk og bålpanne. I enden av holmen er det hengt opp to slengdisser. Som de ser av bilda storkosa elevane seg, og me håpar mange vil ta turen til denne perla i bygda. Ta med barn og barnebarn på ei eventyrreise langs elva med innlagt grilling, fiske og ikkje minst leik i slengdissene, oppmodar leiar i laget, Jan Vaage.