“Nye” golv i Grendatun

Opdal Ungdomslag har fått fiksa opp ca 300 m2 golv.

Det er Isaac og Annja frå Servisealliansen AS som har gjort jobben med oppskuring og
polishbehandling.

Arbeidet tok til 8. mars og blei avslutta 22. mars. Arbeidet har blitt delt opp i tre steg, som er tatt i tur og orden.

Medlemmer i Opdal Ungdomslag har, saman med dagsenteret, teke del i arbeidet med å rydde bort møbler og utstyr for kvart steg, og flytte ting attende.
Til saman har dette blitt seks flytteoperasjonar/dugnader.

Opdal Ungdomslag er svært nøgd med resultatet, og takkar Tysnes Kraftlag, og dei som deltok i prosjektet og gjorde dette mogleg.

I forkant av dette blei det montert stålbeslag innafor to dører fordi belegget var skada.

Tekst og bilete: Opdal Ungdomslag