Ny deltakarrekord

Tine fotballskule på Reiso i år har ny deltakarrekord! Heile 120 påmeldte barn i alderen 6-12 år frå heile Tysnes deltek tre ettermiddagar denne veka på fotballskule på Reiso.

Denne veka får førskuleborna prøva seg på fotball for første gong, medan dei litt eldre borna blir utfordra på nye øvingar og med andre instruktørar enn dei vanlege.

Takka vera Njardar sine A-lag spelarar er instruktør kabalen løyst, og i år har svært mange ungdommar i klubben også meldt seg som hjelparar (så det lovar godt for den vidare rekrutteringa!).
Foreldre sørger for frukt til pausane og sjølvsagt utdeling av Tine sjokomjølk.

Siste dagen blir avslutta med pølser, drikke og utdeling av diplom og premiar.

Njardar håpar alle spelarar har kost seg, og at me gjerne slår deltakarrekorden neste år og!

Tekst og foto: Njardar/ Tysnes I.L.