No vert det to hudterapeutar

Publisert av: May Britt Meland
29/10/2020 18:04

I oktober 2019 flytta Kines Hudpleie inn i lokalene “Kjellaren” saman med Blikk Design. Det har vore hektiske dagar siste året, og no vert salongen utvida. Etter at Nisjekroken flytta, disponerer Kine M. Teigland ein større del av lokala.

Laurdag 7. november utvidar ho tilbodet, då startar ny hudterapeut. Den nytilsette er Kaisa Kristine Espevik. Kaisa er oppvaksen på Tysnes, og har nyleg flyttet tilbake etter 4 år i Bergen. Ho er utdannet hudterapeut, og har jobba på «Kilden Hud og Kroppspleie» i 3 år.
-Eg ser veldig fram til å få Kaisa med på laget, og håpar at endå fleire vil unne seg litt velvære i kvardagen, seier Kine M. Teigland.

Kine og Kaisa ved Kines Hudpleie gler seg til å kunne gje både gamle og nye kundar eit betre tilbod!