MODS-kvelden blømer med to friske musikalske tilskot!

Tysnesfest, eit av dei store høgdepunkta på den norske festivalsommaren, er stolt over å kunngjera to flotte nye artistar til årets lineup: eie og TØFL. Desse artistane vil stå på scena saman med legendariske MODS, i det som lovar å bli ein av dei mest minneverdige kveldane i festivalen si historie.

🖤 eie – når gotisk grunge møter kunstnerisk frihet 🖤
eie, prosjektet til den Stavanger-baserte musikaren Emilie Eie, tek med seg ein unik blanding av gotisk grunge til Tysnesfest. Med ein særegen kombinasjon av autoharpe, theremin, og tradisjonelle bandinstrumenter, utfordrar eie musikalske normer og set lupe på hyperaktuelle tema i tekstane sine. Med ukonvensjonelle sceneopptredenar med tonnevis med energi, lovar eie ein opptreden som fengslar og utfordrar publikum.
Forvent vakre harmonier, slam-poesi, og støyimprovisasjon! Dette blir ei uimotståeleg musikalsk oppleving.

TØFL – Ekstatisk energi og uforgløymeleg allsang
TØFL kjem stormande inn i 2024 med sin ubendige energi og fengande melodiar. Dei har vunne hjarta til både publikum og kritikarar. Kjend for sine eksplosive live-opptredener og hektiske allsang, står TØFL klar til å fylla kvelden vår med minner som vil vare livet ut. Med utsolgte konserter landet rundt, er dette eit band som veit korleis ein skapar magi på scenen.

Frå eie sitt innovative musikalske landskap, via TØFL sitt energibombande show, til MODS sitt legendariske repertoar, er dette ein kveld som vil binda oss saman i pur musikkglede

Ei sjeldan samling talent
“Festivalen vår har alltid handla om å bringa saman musikkelskarar frå alle kantar for å dela unike konsertopplevingar,” seier Øystein Vaage, festivalsjef for Tysnesfest. “Å kunna presentera eie og TØFL saman med legendene i MODS er verkeleg kjekt, og inspirerande. Me er overtydde om at denne blandinga av talent vil tilby noko heilt spesielt til publikum. I tillegg er det jo ganske artig at torsdagen teiknar seg til å bli ein rein Siddis-dag”

Tysnesfest med sin idylliske plassering og sitt breie utval av musikalske sjangrar, lovar nok ein gong å levera uforgløymelege festivalopplevingar. Med tilføyinga av eie og TØFL til lineupen, saman med MODS, set festivalen nok ein standard for kvalitet, kredibilitet og mangfald.
Billettane er tilgjengelege no. For meir informasjon om Tysnesfest og å sikra din plass ved ein av sommarens mest ettertrakta musikkhendingar, besøk tysnesfest.no

Hittil er følgande artistar lansert til Tysnesfest 2024:

Torsdag 11. juli: MODS, eie og TØFL!
Fredag 12. juli: Åge og Sambandet, Carola, DDE, Hellbillies, og Fay Wildhagen
Lørdag 13. juli: Sondre Justad, Matoma, Nico & Vinz  Michelle Ullestad og Lille Venn
Kulturkyrkja på Onarheim, Søndag 14. juli: Inger Lise Hope

Pressemelding 26/3, Stiftinga Tysnesfest