Kvalifisert for NM

Måndag 13. juni var det kretsstemne for mellom- og langdistanseløp på Stord stadion.

Pernilla Epland som no spring for Stord IL, deltok i 2012 i si aller fyrste løpe-konkurranse, halvmaraton i Oslo.
Ho fortel i ein artikkel på Kondis.no at ho har hatt ein aktiv barndom på Tysnes med handball før ho i 2011 byrja å få interesse for løping. -Etter det fyrste løpet i Oslo har gleda ved å løpe berre blitt større og større.

Om det at ho allereie på sitt fyrste baneløp kvalifiserte seg til hovud-NM, seier Pernilla at ho synast det var kjekt. -Det var ei fin oppleving, og det gav absolutt meirsmak!

Pernilla Epland kvalifiserte seg til NM ved å fullføre 5000 m på tida 17.48.04.
(Kravet til hovud-NM er 17.59.99.)
Den sterke tida hennar vert omtalt som ein pangdebut.

Hovud-NM vert arrangert på Askøy 29. juli.