“Kom deg ut dagen” 6. september

Tysnes Turlag vil saman med Tysnes Kystlag og Årbakka Handelsstad lage til arrangement på “Kom deg ut dagen”.

“Kom deg ut dagen” er Norges nasjonale turdag, i regi av Den Norske Turistforening (DNT), med arrangement over heile landet. Dagen blir arrangert to ganger kvart år, fyrste søndag i februar og fyrste søndag i september.

Denne dagen blir det turar og aktivitetar i nærområdet for familiar og andre som har lyst til å være med på ein fin utedag. DNT oppfordrar alle til å bruke denne søndagen som eit startskudd for haustsesongen.

På Tysnes blir arrangementet på Årbakka Handelsstad, der det vil verta ulike aktivitetar. Temaet vil vera kystliv og sporlaus ferdsel.

Dersom ein i tillegg til aktivitetane ved sjøen vil ha seg ein fjelltur, blir det mogelegheit også for det. Ketil Skjolde er dagens guide til Hovlandsnuten.

Ein vil fylgja dei gjeldande smittevernstiltaka.