Karneval

Tradisjonen tru var det karneval på skulen siste dagen før vinterferien. Det var utruleg mange flotte kostyme å sjå, og det var tydeleg at elevane syntest dette var kjekt! Det vrimla av prinsesser, piratar, cowboyar, hekser, eksotiske dyr og mange andre figurar rundt på heile skulen, -skikkelg spennande!

Etter at alle hadde fått på seg kostyma, samlast elevane i gymsalen. Der var det presentasjon av alle, før alle gjekk polinese. Etterpå gjekk elevane klassevis til kosestund, og alle fekk servert fruktsalat og is. Snakk om triveleg avslutning før vinterferien!

Skulen rettar ei takk til alle som gjorde ein ekstra innsats for at me kunne få til karneval i år òg!

Tekst og foto: Uggdal skule