Garantert partystemning

Staysman & Lazz er ein norsk duo beståande av Stian Thorbjørnsen og Lasse Jensen. Duoen blei kjent gjennom songkonkurransen «Sommerstjerner» arrangert av ukebladet Se & Hør sommaren 2010. Denne sangkonkurransen vant dei med med låta «Uten sko». Vinteren 2015 var dei med i Melodi Grand Prix på NRK med «En godt stekt pizza».

Dei siste åra har Staysman & Lazz samarbeidd med blant anna Petter «Katastrofe» Kristiansen, og i 2017 skal dei ut på turne saman igjen. Til Tysnesfest kjem dei med partylåter som «Maria», «Brun og Blid» og «Bleik og sur».

Fredrikstad-karen Petter «Katastrofe» Kristiansen blei først kjent med låta «Vi prekas» i 2008. Dei siste åra har han levert fleire store sommerhits, i 2016 var det  «Sangen du hater» som herja radiostastjonene. Saman med Staysman & Lazz har han tidlegare vore med på VG-lista og «Allsang på grensen».

Det er viktig for oss å nå eit breitt publikum, og denne gjengen passar veldig godt inn i Tysnesfest sin profil. Uhøgtideleg, sjarmerande og morosame festlåtar som er garantert å slå an blant publikum i alle aldrar.

[youtube]W_5iVtHUh9M[/youtube]