Fjordlandsby og fjordby

Os kommune ynskjer å søkja om bystatus og vil dermed kalla Os for Fjordbyen, melder RadiOs.

Sjølv om Tysnes høyrer under Sunnhordland med Leirvik som nærmaste by, så vil nok mange på nordsida av øya føla at Os har nærare tilknytning. Hordland fylkeskommune har allereie definert Osøyro som regionsenter for kommunane i Bjørnefjordsregionen, og Osøyro er det naturlege sentrumstyngdepunktet sør for Bergen.

Ordførar Terje Søviknes vil alt no lansera Fjordbyen Os i strategien framover. Så då har me Fjordbyen Os på eine sida av Bjørnefjorden og Fjordlandsbyen Våge på hi sio!