Etisk kompetanseheving

I samarbeid med Helse- og omsorgsdepartementet, Helsedirektoratet, arbeidstakarorganisasjonane innan helse og omsorg og KS er Tysnes kommune teke opp som deltakarkommune i prosjektet.

Samarbeid om etisk kompetansheving er eit nasjonalt utviklingsprosjekt for dei kommunale helse-, omsorgs- og sosialtenestene. Prosjektet skal stimulere 300 kommunar til å setje i gang tiltak for å heve kompetansen i etikk og etablere møteplassar for etisk refleksjon i det daglege arbeidet. 122 kommunar er med i prosjektet så langt. 

Prosjektet er forankra i Stortingsmelding nr. 25 ”Mestring, muligheter og mening. Framtidas omsorgsutfordringer” og avtale mellom regjeringa og KS.

Kommunane følgjer eit løp som varer i ca. 2 år.

Oppstartskonferansen for nye kommunar er 10. og 11. mai . Det vil vidare vera deltaking på innføringskurs i metodar og verkty for etisk refleksjon, regionale erfaringskonferansar og gjennomføring av lokale kurs i etikkarbeid. Det skal gjennomførast tiltak for kompetanseheving i etikk for dei tilsette og utarbeidast plan for etikksatsinga i kommunen og sluttrapport ved prosjektslutt.

Helse- og omsorgsdepartementet finansierer prosjektet som i utgangspunktet er kostnadsfritt for kommunane. Deltaking på oppstartskonferanse og innføringskurs, oppfølging med etikkseminar, kurs for ressurspersonar og lignende, gratis etikkhandbok og kompetansemidlar inntil ca. kr. 30.000 pr. kommune som ein eingongsstønad vert finansiert av prosjektmidlar.

Nærare informasjon om prosjektet er å finna på http://www.ks.no/etikk-kommune