car.pool til Tysnesfest

Publisert av: Martha Nygård Lande
31/1/2020 10:00

car.pool er Vestlandssatsinga 2020!

Ungdommeleg energi og speleglede. Modne ferdigheter, og rå teft for å smi fram über-catchy låtar. Og på toppen ligg Ida Sofie Laland sin ville powerpop-vokal. Guts og sjarm er skrudd til max. car.pool er ein herleg eksplosjon av 80-talls pop og moderne rock. Best servert live. For denne gjengen må ikkje berre høyrast, den må dansast med. car.pool plugga i utstyret, sparka i gang festen -og serverte ein gloheit konsert utan eit einaste keisamt sekund. Delegata frå dei mange festivalane på 100 Dagar var ikkje i tvil, car.pool er Vestlandssatsinga 2020.

Vestlandssatsinga, med sitt utspring i 100 Dagar, er eit fantastisk talentbyggingsprosjekt. Her samlast ein haug seriøse arrangørar seg rundt eit band ein ønsker å gi eit karriereløft. Desse festivalane tilbyr totalt sett enormt viktig erfaring frå festivalspeling, turnering, planlegging og økonomistyring. Og bidreg med eit trailerlass merksemd. CV-pimping delux! Og ikkje minst; dei får vist seg for eit svært og breitt publikum sommaren igjennom. Ta car.pool godt imot, dei er garantert kome for å bli!

Tysnesfest er sjølvsagt med på Vestlandssatsinga 2020, og i tillegg til oss er heiderlege: Malakoff, Musikkfest Stavanger, UTKANT, Fjord & Folk, Mablis, Festidalen, Bygdalarm, Skånevik Bluesfestival, OmStock, Fest i Vest – Sagvåg i vinden, Den festivalen i Vangen og Vikedal Roots Music Festival.