Branntilløp

I går kveld i 19.30 tida, fekk 110 sentralen varsel om brann på Hovlandstrando. Bygget som no vert nytta som bustad for flyktningar har varslingssystem som er direkte knytt opp mot 110 sentralen.

Brannsjef Torfinn Kongsvik fortel til Tysnesingen.no at brannen har oppstått i samband med matlaging. Då brannvesenet kom til, hadde naboar alereie sløkt brannen med eit pulverapparat.

Ingen personar kom fysisk til skade under hendinga, men eit par stykker fekk litt oksygen av helsepersonell.

Eit saneringsfirma frå Bergen er no i ferd med å resne romma for pulver frå sløkkingsapparatet.

Flyktningane som kom til Tysnes andre veka i desember, er inntill vidare innkvartert på Haaheim Gaard.