Berga eitt poeng

På Vassbakken torsdag kveld møttes Njardar og Rubbestadnes. Heimelaget fekk ein knall opning då Torstein Flakke blei fint frispelt av Simon Malkenes og fyrstnemnde gjorde ingen feil åleine med keeper og 1-0.

Njardar hadde ballen mest, men måtte vidare i kampen likevel sjå seg underlegne i målprotokollen. Rubben var utruleg effektive og dei fire gongane dei var inne i Njardar sin 16-meter i 1.omgong, då scora dei fire mål! Against the run of play og då Ruben S. Lunde reduserte til 2-4 var det rett og rimeleg.

Trass i at Njardar låg under med 2-4 gjennom nær heile 2.omgongen, gav dei aldri opp. Det var ein voldsom innsats og i sluttminutta fekk dei betalt, då Daniell Hauge Hansen og Torstein Flakke scora kvar sitt og dermed blei sluttresultatet 4-4.

Utan innbytarar til denne kampen la spelarane ned eit solid stykke arbeid som berga dei eitt poeng.

Desse var med: Andreas Frøyseth, Morris Skulstad, Henrik Malkenes, Jon Enes, Vegard Frøkedal, Torstein Flakke, Aksel Lande, Andreas Langeland, Simon Malkenes, Daniell Hauge Hansen, Ruben Siglevik Lunde.

I a-lags kamp torsdag vart det 2-2 mellom Munkebotn og Njardar. Remi Khaldi scora begge måla for a-laget.