Andersland Bygg 1 vann 1. divisjon bowling

Alt låg til rette for ein jamn kamp då Andersland Bygg 1 møtte Herde Kompositt 1 i siste serierunde. Før kampen hadde begge laga 31 poeng. Dersom kampen enda uavgjort, ville pinnefallet samla avgjera plasseringa. Det skilde eit pinnefall mellom laga før kampen, AB1 15 608 og HK1 15 607.
Kampen vart aldri spennande. Andersland Bygg 1 vann 4 – 0 og er dermed seriemester for 2023/24. Optimera som denne runden hadde spelefri, tok 2. plassen.

Tysnesmeisterskapen vert arrangert måndag 22. og onsdag 24. april. I år prøver me eit nytt opplegg. Måndag speler ei gruppe tre rundar, ein på kvar bane, kl. 1800. Resten av laga speler kl. 1930.
Onsdag speler dei som fekk lavast pinnefall måndag, tre rundar, ogsåno ein runde påkvar bane. Kl. 1930 speler dei som hadde høgast pinnefall,tre rundar. Den som samlafår høgast pinnefall, vert Tysnesmeister

Dei tre beste vert premierte.
Påmeldingsavgift kr. 250,00
Påmelding til99640123 eller Helge.hauge@hajgnett.no innan laurdag 20. 04. 24.