Aksjon boligbrann

Tala gjeld for perioden 2001 til 2010. Til no i år har fire person mista livet i brann i Hordaland. I 2010 var det 178 bustadbrannar i fylket. Dei mest brannfarlege månadane var januar med 32 brannar og desember med 22. 

For å setje søkjelys på brannsikkerheit i heimen, arrangerast kampanjen Aksjon boligbrann i desember. Direktoratet for samfunnstryggleik og beredskap, Norsk brannvernforening og Gjensidige står bak kampanjen, medan representantar frå brann/feiarvesen, det lokale elektrisitetstilsyn og lokale Gjensidige-kontor står for den praktiske gjennomføringa. Lokalt er det Tysnes brann og redning som er ansvarleg for kampanjen.

At det brenn hyppigare i jula har samanheng med stor aktivitet i heimane med auka bruk av elektrisitet, levande lys og peiskos. I mange tilfelle kombinert med bruk av alkohol.

– Å ha fungerande røykvarslarar i bustaden er ei billeg livsforsikring. Røykvarslarar reddar kvart år mange liv i Norge, seier brannsjef Torfinn Kongsvik.

Om lag 40 000 husstandar over heile landet får 6.-8. desember besøk av lokale brannvesen/feiarvesen og elektrisitetstilsyn, med tilbod om gratis og uforpliktande sjekk av brann- og eltryggleik i bustaden.
 
– Det dreier seg ikkje om et tilsyn i vanleg forstand, men om ein enkel kontroll, med rettleiing og informasjon. For bebuarar er sjekken frivillig og kontrollørane vil legitimere seg når dei ringjer på, seier Torfinn Kongsvik

Kvart husbesøk tek omtrent 30 minutt med kontroll av følgjande:
– Varslingsutstyr
– Slokkeutstyr
– Elektriske apparat og anlegg
– Eldstad og skorstein
– Rømingsveg

Meir informasjon om førebyggande brannvern finn du på www.aksjonboligbrann.no.

Kontaktpersonar lokalt:
Torfinn Kongsvik Brannsjef    975 29 965.
Kontaktpersonar sentralt:
DSB: Avdelingsdirektør Tor Suhrke    mobil 917 80 150
Gjensidige: Fagdirektør brann Odd A. Rød  mobil 916 38 649
Norsk brannvernforening: Adm. direktør Dagfinn Kalheim mobil 977 59 029