Rimi får tipping

Rimi Våge har søkt om å få bli kommisjonær for Norsk Tipping. Søknaden har no blitt handsama og fått positiv innstilling. Det opplyser dagleg leiar på Rimi, Morten Christensen, til Tysnesingen.

– Frå torsdag morgon er me klar med å tilby spel frå Norsk Tipping, seier Christensen. Han seier tippeavdeling vil bli der dei har post i butikk i dag i butikken.

Han er glad for å kunna tilby kundane sine å levera inn tippinga si også på Rimi. Frå før av har Spar Tysnes hatt tipping gjennom alle år. Dermed er det to plassar i Våge ein  kan levera kupongen sin.

Rimi tilsette har vore to dagar på kurs på Hamar hos Norsk Tipping, og torsdag ynskjer dei alle vel møtt med kake og kaffi til kundane sine for å markera hendinga.