Utstilling Årbakka Handelstad

Vertsskap på Årbakka Handelstad, Marion Tviland, har fått med keramiker Kristin Rasmussen til å laga utstilling på den gamle handelstaden i juli månad.

– Fredag 6.juli klokka 13 inviterer me alle som har tid og lyst til å komma på vernissage, seier Tviland til Tysnesingen.

Ho fortel at Kristin Rasmussen har tilbragt utallige somrar på Årbakka, der familien hennar har røter.

– Ho har arbeida aktivt som kunsthandtverkar innan fagområdet keramikk sidan ho avslutta utdanninga ved Statens Håndtverk og Kunstindustriskole i 1987. Ho har deltatt på ei rekkje utstillinger i inn og utland i årenes løp, opplyser Tviland.
 
Utstillinga på Årbakka Handelstad vil vise breidda i produksjonen. Det vil bli høve til å handla vakre og funksjonelle bruksgjenstander i form av fat, vaser, mugger, kopper etc mens det i 2.etg i Sjøhuset vil bli vist skulpturelle arbeider.

– Kristin arbeider i eit abstrakt, organisk formspråk der humor og gjenkjenneligheit balanserer mot det litt ubehagelege og nifse, sluttar vertsskapet.