Utvidar jakttida

Det er i ny forskrift om jakt- og fangsttider det kjem fram at jakttida på hjort vert utvida. I dag er jakttida frå 10.september til 15.november, mens den nye jakttida vil gjelda frå 1.september til 23.desember.

– Me utvider jakttida for å unngå at den blir ein begrensende faktor i arbeidet med å få kontroll på utviklinga av hjortestamma. Dette er viktig for å forhindre skader på hage, jord og skog, redusere antall påkjørsler og sikre tilstrekkeleg beitegrunnlag, seier seksjonssjef Roar Skuterud i Direktoratet for naturforvaltning.