Kaizers Orchestra til Tysnesfest

Her var det ingen over og ingen ved sidan av. Me er glad for å kunna gleda alle som har ønska seg KAIZERS ORCHESTRA til Tysnesfest 2012. Me har brukt ordlyden Norges største liveband i mang ei lansering av band til festivalen, men no er det ei glede å endeleg ønska Norges største liveband velkommen til Gjerstad og Tysnes! Dette kjem til å bli deira einaste konsert i distriktet i løp av sommaren 2012. Billettsalet startar 1. mars.

Janove Ottesen, Geir Zahl, Terje Winterstø Røthing og resten av Kaizers Orchestra er midt inne i den særs ambisiøse triologien«Violeta, Violeta».

Sidan terningkasta seks regna over debutalbumet ”Ompa til du dør” i 2001 og stavangerensemblet sjokkerte Noreg med sin nokså spesielle pumpeorgel-/oljefat-/heavyrock, har du knapt kunna gå en dag utan å høyre namnet Kaizers Orchestra. Fire studioalbum, utallege utselde klubb- og festivaljobbar, ei rekke evigvarande radiohits og lansering i mange andre land seinere, var det i 2011 klart for at Kaizerne tok fatt på sitt største prosjekt nokon gong: trilogien ”Violeta Violeta”. Volum 1 ble sloppe i februar 2011, og volum 2 ble urframført på Øyafestivalen same år, med påfølgjande albumslepp i november.- Volum I var gjennomarrangert og variert i både sjanger og med hyppige skifte av musikalske tema og stemningar. Volum II er meir sjangerbevisst, har meir fokus på elgitarar, og går meir i djupna på rock- og popkategorien, har vokalist og frontfigur Janove Ottesen uttalt om albumet.

Vel – kva anna er det eigentleg å sei. Kaizers Orchestra er Norges definitivt største band per dags dato. Dei reiser rundt med ein produksjon som er enda større enn den som fylte Oslo Spektrum tidlegare i 2011. På med gassmaskene – det er klart for russisk rulett og oljefatknusing, samt songar som ”Ompa til du dør”, ”Ta kontroll på kontinentet”, ”Maestro”, ”Tusen dråper regn”,  ja, sannsynet er liten for at ein einaste låt på setlista ikkje vil framkalla headbanging, dansefot, tårer, kos og klem medan sola går ned over Gjerstad, og Tysnesfest.