Sesongopning på Årbakka Handelsstad

Laurdag 23. mai blir det sesongopning og marknad.

Program:
kl. 12 Velkomstord, Opningstale ved ordførar Synnøve Bakke

Utstillingsopning

12–16 Marknad

Som alltid blir det mykje fint å sjå på Årbakka Handelsstad både på marknaden og i utstillingane. Det vil vere både kjende og nye utstillarar. De vil mellom anna finne biletkunst, keramikk, bøker, plantar på marknaden og mykje meir.

Desse utstillarane vil de sjå biletkunst av i sommar:
Magne og Anders Kjellesvik, far og son som stiller ut verk i Sjøhuset sin 2. etasje.
Arvid Schnelle i 1. etasje – Arvid målar framleis i sitt 96. år!
Jan Vaage i 1. etasje, kjem rett frå separatutstilling i galleri Banken i Ølve.
Hilde Misje i 1. etasje, mange utstillingar bak seg, kjem frå galleri Juni på Hop i Bergen.
Andre utstillarar vil bli nemnde etter kvart – følg med på Facebooksida til Årbakka Handelsstad.

Årbakka vil halde open i heile pinsehelga, både laurdag, sundag og måndag mellom 12-16.

Kiosken vil være open frå 12 til 16 både laurdag, sundag og måndag.
Der kan de kjøpa dei gode Årbakka-vaflane, is mineralvatn, kaffi, te mv.

Resten av sommaren vil opningstida på Årbakka Handelsstad vere kvar laurdag og sundag frå 12–16.