Flott på cup

Det er tradisjon for Njardar sine aller yngste lag å delta på Bjørnefjorden Cup (tidlegare Drageset Cup).

I dag var fyrste dag arrangert i strålande solskin og fin temperatur. Forutan alle spelarar og trenarar fann også mange familiemedlemer turen til Kuventræ for å sjå dei håpefulle og heia til innsats.

Ikkje alle lag kan vinna heile vegen i denne cupen, men til slutt vert det uansett premieutdeling og høgtideleg namneopprop på alle som er med og deltek på Bjørnefjorden Cup.