Songarstemne og Syng med oss

Der framfører koret ei rekkje songar i to avdelingar. I tillegg står mykje anna på programmet. Pianoelevar frå Tysnes kulturskule skal spela, Lise Skjåk Dalen står for solosong, og Synnøve Skregelid underheld med fløytespel. Publikum får servert mat og kaffi, det vert elles allsong og åresal.

Sist helg var kammerkoret på stort songarstemne i Tysvær. Der var i alt kring 450 songar frå 18 kor. Arrangør var Tysvær Blandakor og Norges Korforbund Haugaland. Tysnesingane framførte tre nummer under kyrkjekonserten i Aksdal kyrkje på laurdag og seinare på dagen tre nummer i Tysværtunet.