Kyrkjeklokkene ringer for fred

Biskopane i Den norske kyrkja har bestemt at det skal ringast i klokkene i alle domkyrkjer i landet torsdag 7. august kl. 1500.

Klokkeringinga er initiert av Bispemøtet. Alle domkyrkjer deltar, og lokale kyrkjer vert oppfordra til å ringe med klokkene, der det er mogleg.

På Tysnes vert det ringt i Tysnes kyrkje, og i samband med dette vil det verta open kyrkje med musikk og høve til å tenna lys og gå i forbønn. Det vert også klokkeringing og ope for lystenning i Reksteren kyrkje.

Dette er eit rop om merksemd og støtte til alle dei som lid i Gaza no, men også eit kall til bøn og handling om at dette må ta slutt.

Den norske kyrkja skriv på si nettside at oppslutningen som denne markeringen får, både her i landet og i nabolanda, viser at vi alle er berørte av lidingane vi ser, og vil la klokkene lyde over heile landet, seier preses i Den norske kyrkja, biskop Olav Fykse Tveit.

Også i Sverige og Finland følger biskopane etter det norske initiativet. Det gjer også Norges Kristne Råd, som er eit fellesskap av kristne kyrkjer og trussamfunn.