Vil ha Tysnes med

På Facebook er det oppretta ei gruppe som ynskjer seg samanslåing av kommunane Bømlo, Stord og Fitjar. Mellom dei som har slutta seg til aksjonen er Stord-ordførar Liv Kari Eskeland.

Ordførar på Fitjar, Harald Rydland (som aller helst vil behalda dagens kommunegrenser), seier til innsida.no at dersom det skulle gå mot samanslåing av kommunar, så vil han ha ein storkommune for Sunnhordland som også inkluderer Austevoll og Tysnes.

– Snart må det koma bru over Langenuen, og då vil tysnesingane vera naturlege samarbeidspartnarar, seier Rydland til innsida.no.