Dei tre beste i Tysnesmeisterskapen. Fv: Tommy Bjørkelund, Atle Andersland og Janis Goncenko Foto: Helge Hauge

Tysnesmeisterskapen i bowling

Publisert av: May Britt Meland
30/11/2020 21:37

Atle Andersland Tysnesmeister i bowling!

17 personar stilte til start i Tysnesmeisterskapen i bowling. Måndag, 23.11, kvalifiserte ni deltakarar seg til mellomrunden onsdag, 25.11. Der skilde det åtte pinnefall mellom Atle Andersland med 527 og Tommy Bjørkelund med 519. Den tredje som kvalifiserte seg til finalerunden, var Janis Goncenko med 490 pinnefall.
Finalerunden vart spanande og til slut vann Atle med ni pinnefall føre Tommy, 470 mot 461. Janis fekk 439 pinnefall.
Me gratulerer Atle som Tysnesmeister 2020!

Tekst og foto: Helge Hauge